NorkZer?! + Tatxers + Arrotzak + La Rekba

02
Urr
21:00
HERNANI (GIPUZKOA)
Kontrakantxa Gaztetxea
SARRERAK AGORTUTA

Urriaren 2an kontzertua izango da Hernaniko Kontrakantxan. Gaueko 21.00etatik aurrera NorkZer?!, Tatxers, Arrotzak (argazkian) eta La Rekba taldeak ariko dira zuzenean.

Tatxers

Iruñerrian sorturiko musika egitasmo gaztea da Tatxers. 2019an eman zituzten lehen pausoak, eta urte horretan argitaratu zuten ‘Garaipen Kutrea’, taldearen lehen maketa. 2020 urtean Kaosa Euskal Herrian disko bilduman hartu zuten parte ‘Itxoiten dugun bitartean’ kantarekin, eta 2021 honetan iritsi da ‘Hiruzpalau amets larri’ izeneko binilo lana. Musikalki punk giroetan dator banda, ahots melodia eta gitarra beroekin. Martin Ziriza (Gitarra eta ahotsa), Jon Salinas (Baxua eta ahotsa) eta Iñigo Soria (Bateria) dira Tatxers.

La Rekba

Txorroskillo taldearen errautsetatik sortzen da La Rekba taldea 2019 urte amaieran. Unai Azpiroz (bateria), Jon Iriarte (baxua eta ahotsak) eta Jaime Alvarez (gitarra eta ahotsak) dira taldeko kideak eta dagoeneko kalean dituzte lehen kantuak. Binilo txiki ederrean kaleratu den lanean lau kantu topa daitezke, guztiak, taldeak sortuak. Musikalki punk rock, post punk eta punk iluna jorratzen du banda gipuzkoarrak.

Arrotzak

Arrotzak taldea Donostia (Gipuzkoa) hirian sortzen da 2016 urte inguruan. Musikalki punk eta post punk giroetan kokatzen da taldearen norabidea, eta kantu ilunak lantzen dituzte nagusiki. Musika bidean bi disko argitaratu dituzte: 2016 urtean taldearen izen bera eramango zuen ‘Arrotzak’ diskoa ikusiko du argia. Bi urte beranduago, 2018an ‘Lurzoru hotzetik’ kaleratzen da binilo formatuko lan ederra. Euskal Herrian aritzeaz gain, Europa zaharretik biratu du taldea, eta bere diskoek banaketa internaziola dute underground eszenan. Egun Fer, Arih eta Aritz dira Arrotzak.

Norkzer?!

Musika abentura ezberdinetan ibilitako musikariek osatzen dute Norkzer?! banda 2015 urte inguruan. Denbora tarte honetan bi disko argitaratu dituzte: ‘Norkzer?!’ (2017, autoekoizpena) eta ‘Isiltasuna suntsitu’ (2019, Mal-Mai Records, Impure Records, Lengua Armada, XCementerioX, Torture Chamber Records, Can\’t Keep Us Down, Potencial Hardcore). Musikalki hardcore punk doinuak lantzen ditu Hernanin entsegu lokala duen bandak, abiadura biziko doinu oldarkorrak landuz kantu azkar eta zikinetan.

Kokapena
Kontrakantxa Gaztetxea
Kontrakantxa Gaztetxea
Urbieta Kalea, 11
20120 Hernani
https://twitter.com/Kontrakantxag