Azoka - Musika zuzenean

112

Mundu hau...

Formatua: CD
Diskoetxea: Auto-ekoizpena
Abesti kopurua: 4
Prezioa: 5 euro
Kaleratze-data: 2025 Abendua

112 taldea Arrasaten sortzen da, WC taldeko errautsetatik. 2023 urtean lehenengo diskoa kaleratu zuen bandak 'Azken deia' izenpean, eta diskoa besapean makina kontzertu eskaini zituzten. Berriki bigarren lanak ikusi du argia 'Mundu hau...' izenekoa, eta bertan lau kantu berri biltzen ditu bandak Arrasateko Hamarratz musika gunean grabaturikoak. Musikalki punk rocka doinuetan kokatu daiteke 112 banda.

Informazio gehiago

Ainhoa Urteaga

Arrakala

Formatua: CD
Diskoetxea: Auto-ekoizpena
Abesti kopurua: 11
Prezioa: 10 euro
Kaleratze-data: 2025 azaroa

Aitzol Ibarloza bidelagun, 2022an kaleratu zuen Ainhoa Urteagak 'Ezbaian' izeneko lehen diskoa. Orain, bakarlari gisa dator 'Arrakala' diskoa besapean, eta hamaika abestiz osaturiko lan berriarekin. Estudioan grabatutako zortzi abestik, eta hiru zuzeneko akustikok osatzen dute proiektu hau, non natura eta barne emozioen arteko lotura du jomuga diskoak. Diskoa CD formatuan plazaratu da eta sarean ere topatu daiteke.

Informazio gehiago

Ane Han

Itzulera(K)

Formatua: CD
Diskoetxea: Auto-ekoizpena
Abesti kopurua: 6
Prezioa: 10 euro
Kaleratze-data: 2025 Azaroa

Ane Han musika taldea oraingoan lan berriarekin dator, 'Itzulera(k)' izeneko sei kantuko EP disko batekin. Pasatakoak pasata, zentzu askotako itzulerak proposatuko ditu taldeak azken lan honetan; birsortze eta berreraikuntza prozesu batetik abiatutako letra eta doinuak izango dira entzungai taldeak dakarren estiloan. Diskoak auto-ekoizpen modura ikusi du argia.

Informazio gehiago

Atxurra

Mailu.Iltze.Buru

Formatua: CD
Diskoetxea: Knives-out Records
Abesti kopurua: 6
Prezioa: 16 euro
Kaleratze-data: 2025 azaroa

Bidasoaldean Death Metal eta Hardcore munduak uztartuz agertu berri den taldea da Atxurra. Lehenengo diskoa 'Mailu.Iltze.Buru' izenpean kaleratzen dute, eta Pariseko Knives-Out Records diskoetxeak plazaratua izan da 2025eko azaroan. Bertan 6 kantu batzen dira diseinu lan ederran bulduta. Diskoa kalean kontzertu batzuk ematen hasitakoak dira jada.

Informazio gehiago

Badmintones

Luze Ozen Iraun

Formatua: CD deskarga digitala
Diskoetxea: Auto-ekoizpena
Abesti kopurua: 7
Prezioa: 5 euro
Kaleratze-data: 2025 Azaroa

Badmintones, rock alternatiboa eta post-punkean oinarritzen den talde donostiarra da. Euren kantuetan soinu esperimentalak bilatzen dituzte; ahotsekin jokatuz, eta sintetizadore eta efektu pedalen bitartez, doinu itsaskorrak landuz. Power trio modura, Badmintones taldea 2023 urtean sortu zuten Mikelek (gitarra eta ahotsak), Jon Mikelek (bateria) eta Iñakik (baxua, sintetizadoreak eta ahotsak).

Informazio gehiago

Basati

Gaitz Ilunen Ordua

Formatua: CD
Diskoetxea: Auto- ekoizpena
Abesti kopurua: 12
Prezioa: 12 euro
Kaleratze-data: 2025 Iraila

Basati 2017an Tolosa (Gipuzkoa) herrian sortutako euskarazko Heavy Metal taldea da. 2025 honetan beraien bigarren diskoa aurkeztu dute 'Gaitz Ilunen Ordua' izenekoa. Hamabi kanta anitzez osatutako lan berri honetan doinu eta erritmo indartsuak lantzen dituzte. Taldea horrela osatua dago: Axipu (gitarra), Marcus (ahotsa nagusia), Gartzi (baxua) eta Sama (bateria).

Informazio gehiago

Begipuntuan

Matazak

Formatua: ARGAZKI FANTZINEA
Diskoetxea: Auto-ekoizpena
Abesti kopurua: 64 orrialde
Prezioa: 7 euro
Kaleratze-data: 2025 Azaroa

Kableak aitzakiatzat hartuta, kontzertuetako argazkien bilduma da lan hau. Hamar urtez kontzertuz kontzertu Aritz Larreak (Begipuntuan) osatutako bilduma, zuri beltzezko 55 argazkiz osatua. Ohiko argazki distiratsuak alde batera utzi, eta kaosaren aldeko aldarria; sare sozialen garaiotan papera eta errealismoaren aldeko apustua.

Informazio gehiago

Bisai

Hemen Naiz

Formatua: CD eta BINILOA
Diskoetxea: Auto-ekoizpena
Abesti kopurua: 11
Prezioa: CD 10 - BINILOA 20 euro
Kaleratze-data: 2025 Ekaina

2024 urte hasieran eraturiko taldea nafarra da Bisai. Taldea sortu eta gutxira MIK estudioetan sartzen da banda Mikel Irazokiren gidaritzapean estudioko lehen lana grabatzera, 'Hemen naiz' izenpean kaleratzen dena. 2024ko abenduaren 25ean zuten lehen kontzertua, eta gerora hiru single kaleratu zituzten lanaren ardatz kontzeptuala bideoklip bidezko 'laburmetrai' bihurtuz.

Informazio gehiago

Cobra

Henko

Formatua: CD eta BINILOA
Diskoetxea: Auto-ekoizpena
Abesti kopurua: 6
Prezioa: CD 10 - BINILOA 20 euro
Kaleratze-data: 2025 Azaroa

Aldizkako jarduera baten ondoren, eta taldekide berrien sarrerarekin Cobra Euskal Herriko rock/metal taldea 'Henko' (2025) disko berriarekin dator. Bere azken lan pertsonalenak, aldaketa, erabakiak eta ondorioak, agurrak eta etsipena, akatsetik sortzen den ikaskuntza eta, batez ere, erresilientzia aztertzen dituzten sei abesti biltzen ditu: une ilunenetan ere altxatzeko, aurrera begiratzeko eta indar eta motibazioz jarraitzeko.

Informazio gehiago

Erromintxelak

Nork Erran Eni

Formatua: CD
Diskoetxea: Gaztelupeko Hotsak
Abesti kopurua: 8
Prezioa: 10 euro
Kaleratze-data: 2025 iraila

Erromintxelak 2021ean Arrasaten sortutako swing taldea da. Partaide guztiek musika ikasketak dituzte eta eskarmentu handiko musikariak dira bai estudioan, baita zuzenekoetan ere. Gaur egun, irakasle dihardute Euskal Herriko musika eskola zein kontserbatorioetan. Euskaraz egindako abestiak eta instrumentu akustikoekin inprobisatuz, ikuskizun paregabea eskaintzen dute, swing eta gipsy musikaren ezaugarri dibertigarrietan oinarrituz.

Informazio gehiago

Fito Skins

Umiltasuna

Formatua: CD eta BINILOA
Diskoetxea: Durangaldeko musika
Abesti kopurua: 7
Prezioa: CD 8 - BINILOA 15 euro
Kaleratze-data: 2025 Abendua

Taldea bikote akustiko moduan hasi zen 2020 bueltan, pandemia garaian. 2023an lehen diska kaleratu zuten, jada hiruko moduan, baxua gehituz kantetara. Disko berrian laukote formatua hartu dute, bateria gehituta. Esentzia akustikoa eta armonika doinuak mantentzen dituzte 'Umiltasuna' izeneko disko berrian, baina ukitu desberdinak ere topatu daitezke kantutean.

Informazio gehiago

GAR

Oraina eskuetan

Formatua: CD
Diskoetxea: Auto-ekoizpena
Abesti kopurua: 8
Prezioa: 12 euro
Kaleratze-data: 2025 urria

Jon Garcia Zabala musikariak (gitarra eta ahotsa) martxan jarri du GAR egitasmoa. 15 urtez beste musika talde batean ibili eta gero, bere proiektu pertsonalagoarekin dator. Proposamen berri honetan, pop-rockean oinarritzen diren abesti intimoago eta sakonagoak konposatu ditu. Liher Granados Lauzirika (baxua), Asier Ardanza Cuevas (bateria) eta Martzel Vargas Zabala (gitarra) bidailagun ditu zuzenean.

Informazio gehiago

GZR

Nola Hil Nahi Dek?

Formatua: BINILOA
Diskoetxea: GRAKA
Abesti kopurua: 12
Prezioa: 15 euro
Kaleratze-data: 2025 ABUZTUA

Kostaldeko salitre hotzak burua herdoildutako lau lagun dira GZR. Getariako entsaio lokal zikinean RNR garajero zaharra eta punk gordina nahasten dituzte. 2022tik martxan, Getaiko Grakaren laguntza izan dute 'Nola Hil Nahi Dek?' bigarren diskoa argitaratzeko.

Informazio gehiago

Ginka Biloba

Ginka Biloba

Formatua: CD
Diskoetxea: Auto-ekoizpena
Abesti kopurua: 8
Prezioa: 10 euro
Kaleratze-data: 2025 urria

Olatz Urkia (Baxua), Iker Leibar (Bateria) eta Julen Ribas-(gitarra eta ahotsa) dira Ginka Bilona. 2023an sortua, taldaren izen bera daraman diskoa argitaratu berri dute. Abiapuntu bezala rock estiloa hartzen dute, kantu bakoitzari bere bidea egiten utziz. Musikari dioten maitasunak, 'Ginkgo Biloba' zuhaitza lez, tinko irauten du inguratzen zuen mundua desagertu edo eraldatu bada ere.

Informazio gehiago

Harria

Hemen

Formatua: CD eta BINILOA
Diskoetxea: Auto-ekoizpena
Abesti kopurua: 9
Prezioa: CD 10 - BINILOA 20 euro
Kaleratze-data: 2025 Iraila

Harria proiektuaren gidari den Aitor Aldanondo bergararrak bizipen sendoak pilatu ditu musikan zein bizitzan. Brigada Criminal taldea desegin zutenetik punk-rocka alboratuta dauka, sustraietako musika eta folkaren bideetan barna ibili da Bizardunak, Fiachras edo WAB taldeetan. Ekaitz Aranberri, Guille Sanz, Maitane Azkarate, Ander Elorza eta Adolfo Alcoceren alboan 'Hemen' diskoa aurkezten dute orain.

Informazio gehiago

Hartzak Zeruan

Bidean

Formatua: CD
Diskoetxea: Auto-ekoizpena
Abesti kopurua: 6
Prezioa: 5 euro
Kaleratze-data: 2025 maiatza

Nafarroako herri txiki bateko udaletxeko biltegiaren sakonean, Arakil bailarako Hiriberrin sortutako PowerDuoa da Hartzak Zeruan. Telecaster batekin egindako riff distortsionatuetan eta baterian erritmo sendo eta bizietan oinarritzen dira, biak bat osatuz, beti ere ahotsen melodian indarra eta garrantzia jarriz. 2025eko maiatzean 6 abestiz (6 alez) osatutako lehen EP grabatu dute, 'Bidean' izenpean argitaratua.

Informazio gehiago

Heriotz

Sumagaitz

Formatua: CD
Diskoetxea: Auto-ekoizpena
Abesti kopurua: 10
Prezioa: 8 euro
Kaleratze-data: 2025 iraila

2021. urtean Bilbon sortutako rock taldea da Heriotz. Hasieran hirukote gisa eratu zen, eta azken urte honetan laukote bihurtuta, lan askoren ostean, 'Sumagaitz' lehen diskoa argitaratu du bandak irailean. Musikalki, Punk Rock, Metal, Grunge eta Pop doinuak uztartzen ditu taldeak bere kantuetan, eta lehen diskoko 10 kantuan ikus daiteke argiki.

Informazio gehiago

Hondora

Hondoratu eta azalera irten

Formatua: CD
Diskoetxea: Auto-ekoizpena
Abesti kopurua: 8
Prezioa: 12 euro
Kaleratze-data: 2025 Azaroa

Ibaiek eta Elisak 2017an ezagutu zuten elkar. Geroztik, Hondora soiltasunetik garatzen joan da: tabernetan bertsio akustikoak jotzen hasi ziren, eta gaur, euren lehen lan originala aurkezten dute, 'Hondoratu eta azalera irten' izenpean, 8 abesti biltzen dituen lehen diskoa, Erviti Estudioan produzituta eta grabatuta.

Informazio gehiago

Horzdun

Barealdiaren ondorengo ekaitzak hondamendia dakar

Formatua: BINILOA
Diskoetxea: Haginak diskak
Abesti kopurua: 8
Prezioa: BINILOA 20 - CD 10 euo
Kaleratze-data: 2025 Maiatza

2017. urtean Horzdun jaio zen. Taldearen sorreratik 6 hilabetetara 'Eskifai baten urpeko kondairak' EP-a plazaratu zuten, Sludge Metal eta Doom doinuez betetako lana itsasoari gurtza egiteko. Pandemiaren ondoren kide aldaketak medio, bi zatitan banatutako bigarren disko grabatu berri dute 'Barealdiaren ondorengo ekaitzak... hondamendia dakar.', zortzi kantuz osatutako lana, Haginak Diskak zigiluaren eskutik argitaratua.

Informazio gehiago

Indabe

Ez banaiz

Formatua: CD
Diskoetxea: Auto-ekoizpena
Abesti kopurua: 7
Prezioa: 12 euro
Kaleratze-data: 2025 martxoa

Indabe taldea Donostian sortu zen, eta Uxuek (gitarra eta ahotsa), Peruk (bateria) eta Norak(baxua) osatzen dute. Lehenengo EP-a 2023 urtean kaleratu zen: 'Noiz arte?' izenpean, eta 2025eko martxoaren 'Ez banaiz' albuma argitaratu ikusten du argia. Pop-rockaren eremuan kokatzen du hirukoteak bere musika.

Informazio gehiago

Inner

Arrakala

Formatua: BINILOA
Diskoetxea: Iparragirre rock zigilua
Abesti kopurua: 7
Prezioa: 15 euro
Kaleratze-data: 2025 urtarrila

Gernika-Lumon sortutako laukotea da Inner. Emozioz beteriko pop rock doinu ilunak lantzen ditu bandak, barru-barruan duten hori atera asmoz. 'Arrakala' izeneko lehenengo lan luzea aurkezten dabil banda, 2024an Tio Pete estudioan zuzenean grabatutako diskoa, 2025 argitaratu dena.

Informazio gehiago

Izan Bai

Dena galdu baino lehen

Formatua: CD
Diskoetxea: Auto-ekoizpena
Abesti kopurua:
Prezioa: 10 euro
Kaleratze-data: 2025 Urtarrila

Gipuzkoako Izan Bai musika taldeak 'Dena galdu baino lehen' diskoa argitaratu du. Heavy metalean oinarritutako diskoa da nahiz eta trash ikutuak dituen, beti ere, melodia itsaskor eta aberatsak gailenduz. Ixak Arrutiren (Mendeku Itxua, Izeberg..) proiektu pertsonal bezala hasi zenak talde izaera hartu du.

Informazio gehiago

KAK!

Kendutako azken kartela

Formatua: BINILOA
Diskoetxea: Auto-ekoizpena
Abesti kopurua: 8
Prezioa: BINILOA 20 euro
Kaleratze-data: 2025 abendua

KAK! taldea 2024 urtean sortzen da Meñakabarrenan. 2025 urteko neguan taldearen lehen diskoa kaleratzen da, zortzi abestiz osatua, Mikel Reparazen estudioan grabatua eta Kaki Arkarazok masterizatua. Musikalki Punka, New Wavea eta Popa uztartzen dituzte euren abestietan. Asier, Irati, Joanes eta Etxahun dira taldeko partaideak.

Informazio gehiago

Konorte

Erraietako itzalak

Formatua: CD
Diskoetxea: Auto-ekoizpena
Abesti kopurua: 8
Prezioa: 10 euro
Kaleratze-data: 2025 Maiatza

Durangoko eta Zornotzako lagunek osatutako hardcore/metal taldea da Konorte, eta Rise Up eta Te Parto la Kara musika taldeetan ibilitako musikariak osatzen dute. Taldearen abestiek erritmo astun eta sendoak dituzte, letra zuzen eta gordinekin, eta inguruan dituzten bidegabekeriak eta egungo zirku politikoa salatzen dituzte. 'Erraietako itzalak' taldearen estudioko bigarren diskoa da, taldearen izen bera eraman zuen debuteko lanaren segida.

Informazio gehiago

Krifis

Anabasis

Formatua: CD
Diskoetxea: Auto-ekoizpena
Abesti kopurua: 7
Prezioa: 10 euro
Kaleratze-data: 2025 Iraila

Krifis 2024an Donostian sortutako metal instrumental taldea da, Iñigo Larrunbidek (gitarra), Martin Graok (gitarra), Mikel Vergarak (baxua) eta Rafa Blancok (bateria) osatua. 2025ean lehen lana argitaratu dute, 'Anabasis', non riff indartsuak, erritmo aldaketa ugari eta dinamika kontraste handiak aurki daitezkeen, euren estiloari nortasun propioa emanez.

Informazio gehiago

Lukiek

#3

Formatua: CD eta BINILOA
Diskoetxea: Ático Stereo
Abesti kopurua: 10
Prezioa: CD 13 - BINILOA 23 euro
Kaleratze-data: 2025 Apirila

Lukiek Mungiako (Bizkaia) sorturiko rock alternatibo taldea da. Lehen entseguak 2015. urtea aldera izan ziran, baina 2017tik aurrera hasi ziren kontzertuak ematen noizbehinka. Antton, Cristian eta Josu Ximun dira Lukiek, eta horrela taularatzen dira, hiruko moduan. Musika bidean hiru disko grabatu dituzte: #1 (2019), #2 (2021) eta berriki kaleratu den #3 (2025).

Informazio gehiago

Maite Larburu

Maizter

Formatua: CD
Diskoetxea: Auto-ekoizpena
Abesti kopurua: 10
Prezioa: 15 euro
Kaleratze-data: 2025 Martxoa

Maite Larburu musikariak rol, bide eta genero desberdinetatik gurutzatzen du musika. Beste diziplinetako artistekin kolaboratzen du biolin jotzaile, abeslari edota konpositore moduan. Kantugile bezala lau disko plazaratu ditu; horietako bi Neighbor bikotearen izenpean. 'Maizter' Larbururen bostgarren diskoa da.

Informazio gehiago

Meliora

Utopia

Formatua: CD
Diskoetxea: Auto-ekoizpena
Abesti kopurua: 12
Prezioa: 10 euro
Kaleratze-data: 2025 Iraila

Aiztondoko bailaratik datorren taldea da Meliora, hard rocka eta metala abiapuntu hartuz hainbat estilo nahasten dituena. Musika bidean bi disko argitaratu dituzte, biak AME estudioetan grabatuak Axular Arizmendiren gidaritzapean. Debuteko diskoak 2022 urtean ikusi zuen argia, eta bigarren lanak berriki argitaratu da 'Utopia' izenpean. Iñaki (ahotsa, gitarra eta teklatua), Markel (gitarra), Jokin (baxua) eta Ivan (bateria) dira taldeko kideak.

Informazio gehiago

Mikel Vega

Tresneria

Formatua: BINILOA
Diskoetxea: Repetidor zigilua
Abesti kopurua: 9
Prezioa: 17 euro
Kaleratze-data: 2025 Urtarrila

Egungo Euskal Herriko eszena esperimentalean nabarmendutako musikaria, Mikel Vegak bere talentuaren arrastoa utzi du Loan, Orbain Unit, Conteiner eta batez ere Killerkume bezalako rock talde garrantzitsuetan. Izan ere, Sestaoko artistak bakarkako ibilbideari ekin zionetik, musika inprobisatuaren eszenarako erreferente bihurtu da.

Informazio gehiago

Naxker

Nori jarriko dizkiozu gure abestiak?

Formatua: CD
Diskoetxea: Auto-ekoizpena
Abesti kopurua: 5
Prezioa: 8 euro
Kaleratze-data: 2025 Iraila

Naxker taldea 2022ko udan sortu zen Atarrabian. Ordutik, taldeko bost kideak kontzertuak ematen eta abestiak konposatzen aritu dira. Musikalki, pop eta rock estiloen arteko fusioari heltzen diote, melodia eta indarra uztartuz. 'Nori jarriko dizkiozu gure abestiak?' EP-a argitaratu dute aurten.

Informazio gehiago

Nhil

Etxea

Formatua: CD eta BINILOA
Diskoetxea: Auto-ekoizpena
Abesti kopurua: 7
Prezioa: CD 10 - BINILOA 20 euro
Kaleratze-data: 2025 Iraila

Nhil taldeak zortzi urte daramatza martxan lehen doinuak eraikitzen hasi zenetik. 'Aztarnak' eta 'Bizi Bagina Bezala' lanak kaleratu ostean, 'Etxea' izeneko hirugarren diskoak garai berri bat ezarri du taldean; bai estiloari dagokionez, baita taldeko kideei dagokienez.

Informazio gehiago

Noiz

Nola mozorrotua zara?

Formatua: BINILOA (+ CD)
Diskoetxea: Auto-ekoizpena
Abesti kopurua: 5
Prezioa: 20 euro
Kaleratze-data: 2025 Azaroa

Saran (Lapurdi) kokatzen da Noiz taldea, 2009an sortutako Sorotan Babies taldearen jarraipena izanik. Baterian, Fusible taldeko Ibai Zubeldiak ordezkatu du Iñaki Iriarte eta boskote moduan segitzen dute haien musika ilun eta zaratatsua ontzen. Berriki lehen diskoa kaleratu dute 'Nola mozorrotua zara?' izenpean, 5 kantu batuz binilo (+ CD + Deskarga digitala) ederrean.

Informazio gehiago

NØT

Ikusi

Formatua: CD
Diskoetxea: Auto-ekoizpena
Abesti kopurua: 4
Prezioa: 5 euro
Kaleratze-data: 2025 Azaroa

NØT taldea Aiaraldeatik dator eta 2021 urtean sortu zen. Egotxo, Pagaza eta Urruk osatzen dute banda, eta Rock doinuak Pop eta metal musikarekin uztartzen dituzte. Haien lehen EP-a, 'Ikusi', aurkezten arituko dira udazkenetik aurrera.

Informazio gehiago

Puntu Takoma

Ez gara modernoak

Formatua: CD
Diskoetxea: Auto-ekoizpena
Abesti kopurua: 10
Prezioa: 10 euro
Kaleratze-data: 2025 Iraila

Puntu Takoma 2020 urte bukaeran sortu zen, Iruñerrian, Asier Etxeberria musikariaren eskutik. Hasieran bakarkako proiektu esperimental gisa, eta denborarekin talde formatuan, rock alternatibo eta grunge estiloetara hurbilduz. 'Ez gara modernoak' diskoa dute lan berriena.

Informazio gehiago

Slide

Agur

Formatua: BINILOA
Diskoetxea: Auto-ekoizpena
Abesti kopurua: 6
Prezioa: BINILOA 15 euro
Kaleratze-data: 2025 Urria

Slide 2019an Ermuan sortutako rock taldea da. 2023an haien lehenengo EPa sortu zuten, 'Cowtion!' eta orain bigarren EP-a 'Agur' argitaratu dute, rock alternatiboa, pop-rock eta punk-rock soinuak nahasten dituena, Habi-ko Yeray Bele eta Ezpalak-eko Juanjo Berasainen kolaborazioekin.

Informazio gehiago

Somak

Iluna Argitu

Formatua: CD
Diskoetxea: Auto-ekoizpena
Abesti kopurua: 3
Prezioa: 5 euro
Kaleratze-data: 2025 Maiatza

Somak 2023an jaio zen pop-rock taldea da. Haizea Larrosa (ahotsa, teklatua eta gitarra), Eneko Alaba (bateria), Unai Ibañez (gitarra) eta Eneko Diez (baxua) dira taldeko musikariak. 2025eko maiatzean beraien lehenengo lana argitaratu zuten 'Iluna Argitu' izenpean, taldearen hiru kantu batuz bertan.

Informazio gehiago

Sueder

Udako afarak

Formatua: CD
Diskoetxea: Auto-ekoizpena
Abesti kopurua: 7 + 1
Prezioa: 10 euro
Kaleratze-data: 2025 Azaroa

Sueder taldea 2012 urtean sortu zen Gernikan. Azken urteetan 2 diska plazaratu dituzte, 'Bazan Ordue' eta 'Drama Barik' izenekoak. 2025 udazkenean beraien 3. lanak argia ikusiko du, 'Udako Aferak'. Musikalki pop alaiaren bideetatik jarraitzen du bandak.

Informazio gehiago

The Marteens

The Marteens

Formatua: CD
Diskoetxea: Auto-ekoizpena
Abesti kopurua: 7
Prezioa: 10 euro
Kaleratze-data: 2025 Apirila

The Marteens Olaztin osatutako proiektua da, Rock and Roll, Garaje, Punk edota Stoner generoak lantzen dituzte. 2023ko udazkenean elkartzen hasi ziren eta aurtengo apirilean zazpi abestiz osatutako lana argitaratu dute. Euskeraz eta ingelesez idatzitako letrak, energia gordina eta riff zuzenak aurki daitezke beraien lehen diskan.

Informazio gehiago

Txoriburu

Eztau Bururik

Formatua: CD
Diskoetxea: Auto-ekoizpena
Abesti kopurua: 10
Prezioa: 10 euro
Kaleratze-data: 2025 Martxoa

Punk zirikatzaile ta sentikorra Busturialdetik. 2020an batzen hasitako talde honek 2023an kaleratu zuen haren iraupen laburreko lehen diska, 'Seriotasune Hartzen' izenpean. Gernikako Iparragirre Rock Elkarteko entsegu lokaletan ereindako haziek 2025 honetan loratu dute aurkeztu berri duten lan luzearekin: 'Eztau Bururik'.

Informazio gehiago

Txuma Murugarren

Hemen beharko luke

Formatua: CD
Diskoetxea: Hotsak
Abesti kopurua: 7
Prezioa: 10 euro
Kaleratze-data: 2025 Urria

Txuma Murugarren abeslari eta konpositoreak Sasoi Ilunak bandarekin hasi zen plazetan laurogeita hamarreko aldian. Hiru disko argitaratu zituzten. 2000. urtean bakarkako ibilbideari ekin zion eta dozena bat disko kaleratu ditu ordutik. Sortzaile emankor eta etengabea da, euskal musikaren eta kulturaren barruan. Berriki 'Hemen Beharko Luke' diskoa kaleratu du Gaztelupeko Hotsak zigiluaren babesean.

Informazio gehiago

Ur

Barrenak Husten

Formatua: CD
Diskoetxea: Auto-ekoizpena
Abesti kopurua: 8
Prezioa: 10 euro
Kaleratze-data: 2025 Uztaila

Ur, Funk, Disco edo Indie estiloekin lan egiten duen Azkoiti eta Eibar arteko taldea da. Doinu dantzagarri eta intentsitate handikoak lantzen ditu, euskaraz eta ingelesez abestuak.Taldea hiru kidek osatzen dute eta Urtzi Azkue, Jontxu Larrañaga eta Markel Corral dira taldeko kideak.

Informazio gehiago

Uxue Kerejeta

Amaiera

Formatua: CD
Diskoetxea: Auto-ekoizpena
Abesti kopurua: 9
Prezioa: 15 euro
Kaleratze-data: 2025 urria

Uxue, 1999an jaiotako sortzaile gipuzkoarra da. Urte luzez musika munduan murgilduta egon eta gero, bere lehen diskoa argitaratu du. 'Amaiera' izena dauka eta barnetik idatzitako 9 kantuz osatuta dago. Diskoan badira zenbait lankidetza, tartean Idoia eta Esanezin entzun daitezke Gaztain Estudioan grabatutako lan honetan.

Informazio gehiago

Viafara

Denok gara etsai

Formatua: CD
Diskoetxea: Auto-ekoizpena
Abesti kopurua: 4
Prezioa: 5 euro
Kaleratze-data: 2025 Ekaina

Covid 19aren pandemiaren inguruan hasi zen Viafara taldearen bidea. 2022an taldearen izen bera daraman 'Viafara' lehen lana kaleratu ondoren, zuzenekoak eman eta kantu berrien sorkuntzan jardun dute azken bi hiru urteetan. 'Denok gara etsai' 4 kantuko lan labur hau prozesu horren zatitxo bat izango da.

Informazio gehiago

Yabalia

Hil arte bizi

Formatua: USB
Diskoetxea: Auto-ekoizpena
Abesti kopurua: 8
Prezioa: 10 euro
Kaleratze-data: 2025 Azaroa

Yabalia bost musikariez osaturiko Rock talde bat da. Orain arte bertsioak jotzen ibili dira, non besteak beste Neil Young, Itoiz, Barricada edo Rory Gallaguer taldeen eta musikarien kantak jo izan dituzten. Orain aro berri bat zabaldu dute, eta 'Hil arte bizi' izenpean taldeak berak egindako zortzi kantu sartu ditzuten bertan.

Informazio gehiago

Zikin

Zatitxu

Formatua: BINILO EP
Diskoetxea: Mendeku Diskak
Abesti kopurua: 4
Prezioa: 10 euro
Kaleratze-data: 2025 Uztaila

Zikin 2019 urtean Lekitxon sorturiko punk talde bat da. Lau kidez osatua dator, eta Bedia (ahotsa), Gorka (baxua), Iker(gitarra) eta Urko (bateria) dita taldeko kideak. Musika bidean hiru disko argitaratu dituzte, denak Mendeku diskak zigilupean, horietako azkena 'Zatitxu' izeneko lau kantuz osaturiko lan txikia da.

Informazio gehiago

Zinez

Harramazka

Formatua: CD + pack poltsa
Diskoetxea: Auto-ekoizpena
Abesti kopurua: 12
Prezioa: 10 euro
Kaleratze-data: 2025 Iraila

Iruñerrian 2021 urtean sortzen den banda da Zinez. Aimar (piano/sinte eta ahotsa), Haritz (baxua eta ahotsa), Ekaitz (gitarra), Asier (bateria), June (gitarra eta ahotsa) eta Saioa (ahotsa) dira taldeko kideak, eta lan berria formatu berezian kaleratu dute, CD-a, pegatak eta bestelako bitxikeriekin.

Informazio gehiago

Zuga

Zimeltzeaz

Formatua: BINILOA
Diskoetxea: Iparragirre rock zigilua
Abesti kopurua: 12
Prezioa: 15 euro
Kaleratze-data: 2025 Urria

ZUGA 2021. urtean sortzen da Gernika-Lumoko Iparragirre Rock Elkarteko entsegu lokaletan. Asier Zugadik bakarkako bidea jartzen du martxan, aurretik talde ezberdinetan ibili eta gero. Helburua, pop kutsuko abesti soilak lantzea da bakarka edota Unai Markina (Supercremalleras) bateriaren laguntzarekin.

Informazio gehiago

Durangoko azoka atal berezia!

Ikusi gurean egongo diren taldeak!

Musika talde, eragile eta kolektibo ezberdinei bideratua.

informatu zaitez!