Tapia ta Leturia + Xiberoots + Brava
Musika egitarau polita prestatu dute Donostiako Piratek jai egunetarako. Betiko moduan portuko La Flamenkako agertokia izango da Piraten musika gune nagusia, eta bertan ospatuko dira musika emanaldi gehienak. Era berean, Trinitate plazako gunean ere zuzeneko musikaz gozatzeko aukera izango da afarien orduan.
Xiberoots Zuberoaren bihotzean, Maulen, taupada bakar batekin jaio zen: euskal tradizioaren eta reggaearen erritmo biziaren batasuna. Soinu bidaia da Xiberoots. Bere doinuek Euskal Herriko taupada tradizionaletik edaten dute eta txalaparta eta trikitixa baxu funkyen, pultsu elektronikoen eta 70eko hamarkadako oihartzun progresiboen artean ageri dira. Soinu organikoa da, mestizaje naturala, non herentziak eta modernitateak groove beraren konpasean dantzatzen duten.
DISKOGRAFIA
Maule muffin [2019] Honki jina [2021] Zer agitüko [2025]
Musika ibilbide luze zein oparoa du Tapia eta Leturia bikoak. 80. hamarraldiaren hasieran hasi zuten bidea, eta bi hamarkadetan zehar zuzenekoak eta diskoak uztartu zituzten bidean. Bikoaren azkeneko diskoak 2002 urtean ikusi zuen argia ‘Hain Zuzen’ izenpean, eta taldearen ibilbidea laburbiltzen zuen zuzeneko disko bat izan zen.
Trikiti giroetan abiatu zuten bidea, baino esperimentatzeko eta jolasteko aukerei ez diete muzin egin, Tapia eta Leturia Band bezala 90. hamarkadan argitaraturiko bi diskoetan esaterako.
Gerora, bikoaren bideak banatzen dira eta lozorroan sartzen da egitasmoa. Joseba Tapiak bere aldetik, bederatzit disko argitaratu ditu bere izenpean urte hauetan guztietan, eta Leturiak, berriz, musika egitasmo anitzetan hartu dute parte. Orain, berriz elkarrekin, Tapia eta Leturia Banda bezala taularatzen dira, eta, zuzeneko emanaldietan musika bidean pilatu dituzten kantu esanguratsuenak jotzen dituzte, hamaika musikari batuz agertoki gainean, eta kantuak bestelako giroetara eramanaz.
DONOSTIAKO ASTE NAGUSI PIRATA 2026 – KONTZERTUAK – LA FLAMENKA
ABUZTUAK 8 LARUNBATA
23:05 Lehian erromeria
ABUZTUAK 9 IGANDEA
19:00 Anari
21:00 Altxa Lili
23.30 Ezezez
ABUZTUAK 10 ASTELEHENA
20:00 Tapia ta Leturia
23:05 Xiberoots
01:00 Brava
ABUZTUAK 11 ASTEARTEA
20:00 Svetlana
23:05 AimarZ
01:00 Siwanaba
ABUZTUAK 12 ASTEAZKENA
23:05 Bele
01:00 Neomak
ABUZTUAK 13 OSTEGUNA
23:05 Sua
01:00 Ezpalak
ABUZTUAK 14 OSTIRALA
00:30 Skabidean BERTAN BEHERA (Ikuskizun eta ekitaldietarako langileen greba)
ABUZTUAK 15 LARUNBATA
23:05 Mirua
01:00 Kiliki
