Orsini + Borla

Orsini taldea 2025ean jaio zen beste proiektu batzuen errautsetatik, eta Jokin (ahotsa eta gitarra), Kalim (gitarra), Naste (baxua) eta Uri (bateria) dira taldeko kideak. Popa eta punka uztartzen dituzte batez ere: Itoizen arpegio garbi eta kristalinoetatik hasi, eta Ramonesen abiadura biziko erritmoetaraino. Abestien letrek Bilboko hiriaren dekadentziaz, taldekideen drama pertsonalez eta amodioaz hitz egiten dute. 2026an argitaratu zuten lehen diskoa, ‘Ezin atera’ izenburuarekin.

DISKOGRAFIA
📀 Ezin atera [2026]

Borla taldea 2023an sortu zen Iruñerrian. Martin Ciriza (baxua eta ahotsa), Ander Redin (gitarra eta ahotsa) eta Timeo Dedieuk (bateria) osatzen dute banda, eta hiruko moduan taularatzen dira zuzenekoetan ere. Inongo helbururik gabe entsaiatzen hasi ziren unibertsitateko masterra bukatzen zuten bitartean, eta azkenean, 2023an maketa bat grabatzeaz gain, 2024ko udaberrian melodia alaiez jositako LP bat argitaratu dute ‘Kordoba bidea’ izenekoa.