Inoren Ero Ni
Urriaren 31 gauean kontzertua izango da Elorrioko Ateneoan. ‘Kantatu, maitatu eta dantzatu ezin bada ez da gure iraultza’ lelopean Inoren Ero Ni taldea zuzenean ariko da 22.30etatik aurrera. Ondoren, musika pintxada izango da.
Inoreneroni taldea 2002.urtean sortzen da Andoainen, aurretik Bap!, Purr, Anari edota Negu Gorriak taldeetan ibilitako musikariekin. 2003an taldearen izen bera zuen lehen diskoa grabatu zuten Garate Estudios-en Kaki Arkarazoren gidaritzapean, eta geroztik beste lau disko grabatu dituzte. Taldean musikari aldaketa ugari bizi izan dituzten arren, bizirik matentzen da taldearen filosofia. Taldearen estudioko azken emaitza ‘Il cercatore di perle’ (Bidehuts, 2019) diskoa da, lau kantuz osaturiko binilo lana. Gaur egun Okene Abrego (ahotsa), Borja Iglesias (gitarra), Mariano Hurtado (baxua) eta Guantxe (bateria) musikariek osatzen dute taldea.
DISKOGRAFIA
📀 ‘Il cercatore di perle’ [2021] 📀 ‘IENNEI’ [2016] 📀 ‘Fregoli’ [2011] 📀 ‘Fosbury’ [2009] 📀 ‘Gronhölm’ [2007] 📀 ‘Inoren Ero Ni’ [2004]
Elizburu Kalea
Elorrio
