Rodeo + Atturri + Neallta Fola + Itsusiak eta Maltzurrak
Apirilaren azken egunekin batera badatoz Txantreako jaiak, eta bide horretan zuzeneko musika proposamen ugari izango dira datozen egunetan. Ostiral gauean Rodeo (argazkian) Atturri, Neallta Fola eta Itxusiak eta Maltzurrak zuzenean ariko dira Txozna Gorria gunean.
Rodeo taldea gipuzkoako Zestoa herritik dator, eta 2014 urtetik ari dira martxan. Musika bidean lau disko kaleratu dituzte, eta bidean dute bosgarren emaitza izango den lan bikoitza. Musikalki stoner eta rock giroetan kokatzen da banda, eta soinu potolo eta psikodelikoetan murgiltzen dira garapen handia duten iraupen luzeko kantuetan. Zuzeneko bortitza duen banda da honakoa, eta agertoki gaineran eztandarazten dira. Ortzi Alberdi (gitarra eta ahotsak), Beñat Subinas (baxua), Oroitz Urbieta (bateria) eta Mikel Illarramendi (gitarra eta ahots nagusia) dira taldeko lau kideak taldea entsegu lokalean hasi zenetik.
