Sune + MAskak + Dj Bull
Lapurdi eta Nafarroa Behereko musikariez osatua dator Maskak taldea. 2024ko apirilean kaleratu zuen debuteko diskoa ‘Buruz buru’ izenpean, eta geroztik ez dira agertokietatik jaitsi. Emanaldi piloa eskaini dituzte lehen diskoarekin, musikalki pop-rock giroetan datorren proposamena aurkeztuz. 2026 martxoak taldearen bigarren diskoak ikusi du argia ‘Ziklikoa’ izenpean, eta lan berria kalean, kontzertu biran murgilduko da banda. Patxi Cazenave, Betti Albor, Thomas Saragueta eta Battit Etchart dira taldeko kideak
DISKOGRAFIA
📀 Buruz buru [2024] 📀 Ziklikoa [2026]
Josune Arakistain musikariak gidatzen du Süne egitasmoa. Huntza taldeko kidea izandakoak bakarkako bidea abiatu du, eta dagoeneko kalean du iraupen luzeko lehen diskoa. ‘Amaineman’ izenpean dator debuteko lana, hamaika kantuz osatua. Trikia eskuan, elektronikaren bidetik jo du Josune Arakistain musikariak abentura berri honetan. Modu askean sortu ditu disko berriko kantuak, une bakoitzean nahi izan duena eginez, askatasun osoz. Diskoa zuzenean taularatzeko banda osatu du Sünek, eta bide horretan Antton Carretero (gitarra, baxua eta azpi-ahotsak), Greta Chasca (sintetizadoreak eta efektuak) eta Saray Saez (bateria) izango ditu lagun agertoki gainean.
