JOSEBA TAPIA
Asteburu honetan Errekan Gora Ekimena burutuko da Eskoriatzan Atxorrotx Kultur elkartearekin ekimenez. Zuzeneko musikak garrantzi handia izango du hiru egunetan zehar, musika egitarau koloretsuaz. Irailaren 20an Joseba Tapia Herriko plazan ariko da zuzenean. Emanaldian Eskoriatza faxisten eskuetan erori zela 90 urte bete direla ekarriko dute gogora.
Musika ibilbide luze zein oparoa du Tapia eta Leturia bikoak. 80. hamarraldiaren hasieran hasi zuten bidea, eta bi hamarkadetan zehar zuzenekoak eta diskoak uztartu zituzten bidean. Bikoaren azkeneko diskoak 2002 urtean ikusi zuen argia ‘Hain Zuzen’ izenpean, eta taldearen ibilbidea laburbiltzen zuen zuzeneko disko bat izan zen.
Trikiti giroetan abiatu zuten bidea, baino esperimentatzeko eta jolasteko aukerei ez diete muzin egin, Tapia eta Leturia Band bezala 90. hamarkadan argitaraturiko bi diskoetan esaterako.
Gerora, bikoaren bideak banatzen dira eta lozorroan sartzen da egitasmoa. Joseba Tapiak bere aldetik, bederatzit disko argitaratu ditu bere izenpean urte hauetan guztietan, eta Leturiak, berriz, musika egitasmo anitzetan hartu dute parte. Orain, berriz elkarrekin, Tapia eta Leturia Banda bezala taularatzen dira, eta, zuzeneko emanaldietan musika bidean pilatu dituzten kantu esanguratsuenak jotzen dituzte, hamaika musikari batuz agertoki gainean, eta kantuak bestelako giroetara eramanaz.
