Bamms + Kumbialari + Indabe + Dj Bull

Abu

21:00

TAFALLA (NAFARROA)

Txosnagunea

Doako emanaldia, jaiak

Tafallako jaietan musika egitarau ederra prestatu dute Txosnagunean. Askotariko kontzertuak antolatu dira, musikalki eskaitza anitzaz.

Indabe

Donostiako Antigua auzoan sortzen da Indabe taldea pandemiaren erdian. Lauko formatuan egiten dute aurrera, lehenik gustuko musika taldeen bertsioak egiten, eta gerora kantu propioak landuz. 2023 urtean ‘Noiz Arte?’ disko txikia kaleratzen dute, eta ondoren ‘Ohitura’ kantua argitaratzen dute plataforma digitaletan. Une horretan, aldaketa bat dago taldean, eta hiruko bilakatzen dira aro berri bat martxan jarriz. Entsegu lokalean buru-belarri sartzen da banda, eta sesio horietan sortzen dituzte ‘Ez Banaiz’ disko berriko 8 kantuak. Grabaketa Zestoako Gaztain estudioetan burutzen, eta Eñaut Gaztañaga aritzen da soinu teknikari lanetan. Musikalki rock koordenadetan dator Indabe banda, eta ahotsetan pop melodiak lantzen dituzte, kantu goxoak eta era berean indartsuak jorratuz, zuzeneko beroetan.

instagram

Bamms

Hernanin sorturiko musika taldea da Bamms, eta albiste iturri dira ‘Last chance’ diskoa argitaratu berri dutelako duela aste batzuk. Ez hori bakarrik, gainera, taldearen lehen grabaketa ere binilo formatuan berrargitaratu du Lazkaoko Artza Records zigiluak. Diskoa Bera (Nafarroa) herriko MIK estudioetan grabatua izan da eta musikalki rock&roll giroak lantzen ditu boskoteak. Batzutan punkrockera biratzen dute gitarrak zorroztuz, eta beste batzuetan giro melodikoetan barneratzen dira, batez ere ahotsaren eraginez.

Kumbialari