Gatibu + Bisai
Gatibu taldeak martxan du bere musika bidean egingo duen azken bira, eta ekainaren 27an Donezteben ariko dira zuzenean. Emanaldia Bisai taldeak zabalduko du.
Gatibu 2000.urtean Gernikan sortutako euskal pop rock taldea da. Hamabost urteren ostean, laukoteak zazpi disko eta zuzeneko bat argitaratu ditu lanetik lanera soinu naturalago, gozoazgo eta irekiago baten bilaketa garatu eta estudioko emaitzak nabarmenki hobetuz. . Bizkaitar euskalkian abesturiko rock koloretsua, folk eta country doinuekin eta disko erritmo dantzagarridunekin hornituz, ehundaka kontzertu eman izan ditu taldeak Euskal Herrian eta bertatik kanpo. Azken lana, ‘EH distropikala’ izena darama eta 2022 urteko neguan argitaratu zen.
Taldeak berriki iragarri duenez, 2025 urtean eskainiko du azken emanaldia Barakaldoko BEC gunean. Bide horretan, 2025 urtean zehar zenbait kontzertu eskainiko ditu bandak agur biraren barnean.
