The Lizards

Martxoaren 26an, 12:30etan, THE LIZARDS taldea izango da Verdury Hall – Gaztelekuan.

-Sarrerek 6€ (+gastuak) balioko dute eta martxoaren 4an (larunbata), 10:30etan jarriko dira salgai Txokolateixan eta Udalaren web orrialdean.-

THE LIZARDS
Carla Santacreu (ahotsa eta gitarra), Judith Jordan (baxua eta ahotsak) eta Edgar Beltri (bateria) kide dituen hirukote bartzelonarra da The Lizards. Iaz argitaratu zuten estudioko laugarren diskoa duten Fake reality. Melodiaz beteriko rock & roll eta punk-rocka da eurena eta diskoz-disko aurrerapausoak emanaz joan dira. Urteetan zehar zuzeneko mordo bat eskaini dituzte, tartean, Nashville Pussy, Cavalera Conspiracy edota Girschool bezalako taldeekin agertokia konpartitu dutelarik. Gozatu egiten dute zuzenean eta berauetan askatzen dute beraien potentzia eta indar guztia eta hau dena berresteko asmoz etorriko dira Verdury Hall-Gaztelekura.