MI DULCE GEISHA + KRUELA
Barakaldoko udalak ‘Udazkena Rock’ musika zikloa prestatu du iraila eta urrirako. Guztira 10 kontzertu izango dira, eta Barakaldo bertako 20 musika talde ariko dira zuzenean. Emanaldiak hiriko gune ezberdinetan burutuko dira, eta bertako auzo eta plazak izango dira zuzeneko kontzertuen kokagune.
Rockero zaharren punk taldea da Kruela. Ezkerraldeko hainbat taldetan ibilitako kideek osatzen dute Kruela. Hard core azkarra, punk rocka egiten dute, gogotsu eta astia dutenean. Familiak, umeek eta lanak denbora uzten dien tarteetan batzen dira, baina indarra darie beraien kantei. Zuzenekoetan ere ez dira gutxiagorako. Bitxia da 90. hamarkadako 4 Non Blondes taldearen kantu ezagunaren bertsioa. ‘Whats Up’ hura ‘Muerte y destruccion’ bilakatu dute Kruelakoek.
Rock eta metala uztartzen duen taldea da Mi Dulce Geisha. Talde honek gainera badu berezitasun bat. Gurpildun aulkitik kantatzen du Andres Benzal abeslariak. Gainera, egin dituzten kontzertu gehienetako etekinak elkarte ezberdinei eskainiak izan dira. Hainbat lan eta maketa plazaratu dituzte orain arte, eta berriki estudiotik kaleratu dute ‘La máquina funciona bien’ lana.
EGITARAUA
IRAILAK 10. San Vicente (Eliz aurreko plazan)
20:00. MI DULCE GEISHA + KRUELA
IRAILAK 11. Retuerto (Ume parkean)
20:00. ROJO NIEVE + REPLIKANTES
IRAILAK 17. Rontegi (Plaza del Ojo)
20:00. KADUKAOS + PURO CHILE
IRAILAK 18. Cruces (Gurutze plaza)
20:00. HUTS + CHIVO
IRAILAK 24. Zuazo-Arteagabeitia (Resurrección Maria de Azkue pasealekua)
20:00. DIABLO CUNEY + LA NEVERA VACÍA
IRAILAK 26. El Regato (El Regato plaza)
12:30. SEROTONINA SKA BANDA + EVEN MUD
URRIAK 01. Zaballa (Barakaldo- Elkano metro irteera )
20:00. THE RIBBONS + ENROCKECIDOS
URRIAK 02. Urban (Desertu plaza)
20:00. LOS RETUMBES + NACHO´S DICK
URRIAK 08. Lutxana (Lube Kaleko parkean)
20:00. TRESONROCK + TRANSEUNTES
URRIAK 09. Bagatza (Plaza Santa Teresa)
20:00. LAS SEXPEARES + IZAN EZEAN
