LABANA + ZUGA
Otsailaren 18an Labana (argazkian) eta ZUGA taldeak zuzenean ariko dira Karibe Zaharra tabernan, Legazpin.
LABANA
Labanak eta balak. Hori da Labana taldearen bigarren lanean aurkitu dezakezuena. Power-rock zikinez betetako lau abesti azkar eta gordin, besterik gabe. Proiektu gaztea da hau, Covid-aren eraginez hilabete luzez jotzeari utzi behar izan diotenetariko bat. Momentuz kaleraturiko lan laburrak “Blacklist” (2020) eta Bang Bang (2021) dira. Biak azken urteetan jasotako esperientzia pertsonaletan oinarrituak. Besterik gabe… See you in Labana!
ZUGA
ZUGA bakarlari formatuan. Pandemia garaian sortutako ezinegonei aurre egiteko sorkuntza fase batetik eratorritako kantuak dira hauek. Baterian Asier Musatadi (Sarkor) izan du bidelagun. Lana Gernika-Lumo inguruko “On Stage” estudioan grabatu izan da Gorka Leonen gidaritzapean, eta azalak, berriz, Iosune de Goñiren argazki analogikoak dira. Laster ikusiko dute argia lehen zuzeneko datek.
Non bukatzen da itsasoa?!
Nafarroa Kalea
Legazpi
