KRISTONAK + DOE

28
Urt
22:00
ONDARROA (BIZKAIA)
Portuko Ranpi
Sarrera: Aurrez 8 euro. Takillan 10 euro

Urtarrilaren 28an radixu Radixu Irratiaren 32. urteurrena ospatuko da Portuko Ranpin, Ondarroan. Gaueko 22:00 aurrera Kristonak (argazkian) eta Doe taldeak ariko dira zuzenean.

Kristonak

Kristöri eskean ibiltzetik KRISTONAK izatera pasatu gara, edo hori sinestarazi nahi diogu geure buruari. Pandemiaren luzeak pitzatu egin gaitu fisikoki, emozionalki eta mentalki, hemen aipatuko ez ditugun hainbat motibogatik, eta taldea desegitea ere pasatu zaigu noizbait burutik momenturik beltzenetan. Halere, dena ez da txarra izan, egon dira gauza onak ere. Horietako bat izan da Donostiako Elkar Estudiora joan eta gordeta genituen kantu zirriborroei forma eta kolorea ematea. Etsita geundelako sartu ginen estudiora eta han gertatutakoak pilak kargatu dizkigu. Taldearen hastapenetako rock&roll zuzen, gordin eta ganberroena eman digu gorputzak, horixe atera zaigu, ia konturatu gabe. “Haitzean jaioak haitzera nahi” dio esaera zaharrak, eta zer esanik ez gu Arratiarron kasuan. Eta izen aldaketarena zer dela eta? Eziguzue eskatu erantzun transzendentalik, ez dizuegu emango eta. Rock&rolla egiten dugu eta kitto, kitto! Bueltan gaude madarikatuok!

Kokapena
Portuko Ranpi
Portuko Ranpi
Egidazu Kaia Kalea
Ondarroa
https://www.facebook.com/portuko.ranpi
Bilaketa metodo berriak