HATORTXU ROCK 26: Anari + Pleura + Huntza + Gilipojazz + ETS + La Mare + The Baboon Show + Gatibu + Sua + Des-Kontrol + Zoo + Badalonian Sound + The Lio + Skabidean + Dj Plan B

Anari Alberdi. 1995 urtean hasi zuen musika bidea Azkoitian, eta geroztik, ez da agertotitik jeitsi. Urte hauetan guztietan iraupen luzeko bost disko eta zenbait kantu pilatu ditu bidean. Estudioko azken emaitza bi kantuz osaturiko ‘Orain entzungo duzun hau…’ (Bidehuts) diko txikia da. Bakarkako saioak edo banda formatukoak uztartzen ditu zuzenekoetan. Bakarka aritzen denean gitarra eta ahotsez aritzen da. Banda formatoan, berriz, Anari Alberdi (ahotsa eta gitarra), Ander Mujika (gitarra), Xabier Olazabal (baxua), Mikel Txopeitia (bateria), Mariano Hurtado, (pianoa eta hammond) eta Xabi Etxeberri (biola) dira Anari.

• IGORRE - Kiñu gaztetxea

  31

  Mar

2018an eratzen da Pleura taldea Nafarroa Iparraldean. Ion eta Olaiak Lamia taldean jotzen zuten elkarrekin, eta taldea desegitean, musika talde berria bat abian jartzea pentsatzen dute, lehen lantzen zuten folk giroetatik haratago soinu gogorragoak bilatuz Unai eta Julenekin batera. Taldeak Rocka lanzten du, gitarraren eta ahotsaren arteko etengabeko elkarrizketen bila, beti oinarri gogor eta zuzenarekin. Taldeko kideen aurreko musika esperientziek (Katez, Estu & Larri, Natali, Beste Urtaroak, Lamia…) giro berriak ekarri dituzte taldera, tartean, metal eta blues zertzeladak. Orain artean estudioko disko bakarra argitaratu dute.

2022 urtean aldaketak izaten dira taldean eta Olaia Inziarteren lekua Irati Gutierrez hartzen du ahotsetan. Disko berria izango dena sortzen ari da egun entsegu lokalean.

2014an sei gipuzkoarrek Bilboko unibertsitate giroan sortu zuten huntza taldea. Lehen agerpena Harro Gaude kantarekin egin zuten baina segidan argitaraturiko ‘Aldapan Gora’ abestiarekin lortu zuten arrakasta. Euskal Herrian ez-ezik, mundu osoan barrena aritu dira biran, Japonian, Europan edota Amerika Hegoaldean, Trikiti doinuak Pop-Rockarekin nahasten dituzte Josune Arakistain (trikitixa, ahotsa), Uxue Amonarriz (panderoa, ahotsa), Aitor Huizi (biolina), Aitzol Eskisabel (gitarra), Inhar Eskisabel (baxua) eta Peru Altubek (bateria).

En Tol Sarmiento (E.T.S.) Lekoran (Arabar Errioxa) sortu zen 2005. urtean. Taldeko partaideak Iñigo Etxezarreta (Gitarra eta ahotsa), Ruben Campiun (Baxua), Floren Diaz (Bateria), Jabier Lucas (Tromboia) eta Ruben Terreros (Tronpeta) dira eta ska-rock musika jorratzen dute, punk-rock doinuak ere sartzen dituztelarik. 2019. urtean ‘Aukera Berriak’ izeneko beraien seigarren lana kaleratu zuten, eta oinarrietatik abiatuta estilo berriak probatzera ausartu zen taldea. 2022ko neguan ‘Guretzat’ diskoa argitaratzen dute Baga Biga diskoetxearen babesean, oraingoz taldearen estudioko azken emaitza.

• ONDARROA - Beikozini aretoa

  15

  Api
• AZPEITIA - Sanagustin kulturgunea

  16

  Api

Gatibu 2000.urtean Gernikan sortutako euskal pop rock taldea da. Hamabost urteren ostean, laukoteak zazpi disko eta zuzeneko bat argitaratu ditu lanetik lanera soinu naturalago, gozoazgo eta irekiago baten bilaketa garatu eta estudioko emaitzak nabarmenki hobetuz. . Bizkaitar euskalkian abesturiko rock koloretsua, folk eta country doinuekin eta disko erritmo dantzagarridunekin hornituz, ehundaka kontzertu eman izan ditu taldeak Euskal Herrian eta bertatik kanpo. Azken lana, ‘EH distropikala’ izena darama eta 2022 urteko neguan argitaratu zen.

The Lio talde gaztea eta berria izan arren, 2020. urtean sortua, dagoeneko bere lehenengo diskoa kaleratu du: ‘The Lio’. Intro bat eta hamahiru abesti ditu debuteko lanak eta Iruñeako Sound of Sirens studioan grabatua eta mazterizatua izan da Julen Urzaiz soinu teknikariaren eskutik. Musikalki Punk & roll giroak jorratzen dituzte zuzeneko indartsuaz.  Euskaraz eta gazteleraz abesten dituzte kantuak.

Skabidean 2012an Iruñerrian sorturiko ska, reggae eta rocksteady taldea da. Egun 10 musikarik osatzen dute eta dagoeneko taldeak 200 kontzertu baino gehiago eman ditu euskal geografiaren bazter guztietan zehar.

Taldeak doinu karibetarrak Euskal Herriratzen ditu, jamaikako doinu sinkopatuak, hain zuzen. Hala ere, taldea ez da jamaikar garbizalekeriarekin mugatzen, eta skaz, reggaeaz eta rocksteadyaz haratago, boogiea edo funkya bezalako estiloak lantzen saiatzen da, beti ere jamaikar musikak berezkoa duen erritmo sinkopatu bereizgarria mantenduz. Gainera, taldeak euskaraz egiten du bere abestien gehiengoa, baina hainbat abesti eta errepika grabatu ditu ingeleraz, baita bi gazteleraz ere.

Egun, taldea 10 kidez osaturik dago: gizonezko abeslari bat, 2 emakumezko abeslari, baxujolea, gitarrajolea, bateriajolea, teklatujolea eta hiru haizezko (tronboijolea, tronpetajolea eta saxofoijolea). Dagoeneko taldeak estudioko 4 disko karrikaratu ditu: ‘Skabidean’ (2017), ‘Bideak darrai’ (2018), ‘Izaera’ (2020) eta ‘Hiri zahar zikina’ (2022).