Gatibu

13
Aza
20:00
BARAKALDO (BIZKAIA)
BEC

Azaroaren 13an Gatibu taldeak Bilboko Miribillan ospatuko beharreko emanaldia Barakaldoko BEC gunera pasa da. Bertan ospatuko ditu taldeak agertoki gaineko 20 urteak!

Gatibu

GATIBU
Gatibu 2000.urtean Gernikan sortutako euskal pop rock taldea da. Hamabost urteren ostean, laukoteak zazpi disko eta zuzeneko bat argitaratu ditu lanetik lanera soinu naturalago, gozoazgo eta irekiago baten bilaketa garatu eta estudioko emaitzak nabarmenki hobetuz. . Bizkaitar euskalkian abesturiko rock koloretsua, folk eta country doinuekin eta disko erritmo dantzagarridunekin hornituz, ehundaka kontzertu eman izan ditu taldeak Euskal Herrian eta bertatik kanpo. Azken lana, ‘Musikak salbatuko gaitu’ (autoekoiztua) 2020. urtean argitaratu zen.

 

GATIBU TALDEAREN KOMUNIKATU GARRANTZITSUA ‼️
Gatibuzaleoi, begirunez,
📣Azaroaren 13rako Bilbao Arena Kirol Jauregian, Miribillan, aurreikusita genuen kontzertua Barakaldoko BEC barrutian eskainiko dugula jakinarazi nahi dizuegu, egun, kultur ekitaldietako edukiera mugatzen duten neurriek hala eskatuta.
⬇️Horrenbestez, azaroaren 13an arratsaldeko 20:00etan zuekin bat egiteko prest egongo gara Barakaldoko BECen. (Miribillako sarrera duzuenok, ez duzue ezer egin behar. Zuen postan jasoko duzue BECerako sarrera berria.)
Sarrera fisikoa erosi zenutenok, ez daze aldaketarik egin behar.‼️
⬇️Euskal kulturgintzarentzat hain makurra suertatzen ari den garai honi aurre egiteko, oztopo guztien gainetik, ziurgabetasun egoera betean, kosta ala kosta, gure zalegoa osatzen duzuenok asko eta aske maite zaituztegulako, erabaki dugu horrenbeste landu dugun kontzertuarekin aurrera egitea. GATIBU osatzen dugun lan-taldeko kide guztiontzako berebiziko kontzertua izango da azaroaren 13koa, gorputzean gorde dezakegun maitasun guztiarekin prestatu eta zuekin bizi nahi duguna. Ezin zen bestela izan, ez gaude burumakur eta goibel zer gertatuko zain egoteko asmorik.
✅ 20+1 urte hauetan sortu ditugun eta zuen oneritzia jaso duten kanta esanguratsuenak lantzen ari gara zuentzat eta guretzat gogoangarria izango den emanaldirako. Gaua biribiltzeko, hainbat ustekabe prestatzen ari gara. Ez baituzue gutxiago merezi, ez baitizuegu gutxiago zor.
❤️Eskerrik asko bihotzekoa guztiontzat ilunegi suertatzen ari diren garaiotan itxaropenerako argia bizirik mantentzeagatik.
Azkenik, jakizue BECeko kontzertu honetarako sarrera gehiago jarriko ditugula salgai irailaren 23tik aurrera www.gatibu.eus webgune