BAMMS + UNIDAD ALAVESA

18
Ots
21:00
OÑATI (GIPUZKOA)
Ikatz taberna

Oraindik data urrun dagoen arren, Bamms eta Unidad Alavesa (argazkian) taldeak Oñatiko Ikatz tabernan ariko dira zuzenean, 2022ko otsailean.

Unidad Alavesa

Unidad Alavesa taldea Ataun (Gipukzoa) herrian sortu zen 2016. urtean eta musikalki folk-rock musika eremuan kokatzen da. Taldea osatzen duten kideen artean musikari arituak topa daitezke, tartean, Brigada Criminal, Bizardunak, Fiachras, Benito Lertxundi, Ancha es Castilla, edota Los Zopilotes Txirriaos bezalako taldeen arituak. Taldearen hastapenetatik musikari berdinek osatzen dute banda: Cantaro Garrafa (Gitarrak eta ahotsa), Bartolo Pichi (Gitarrak), Papas Aja (Baxua), Abosin Origen (Bateria) eta San Pete (Trikia eta banjoa). ‘Made in Germany’ izena darama taldearen estudioko azken diskoak.

Bamms

Hernanin sorturiko musika taldea da Bamms, eta albiste iturri dira ‘Last chance’ diskoa argitaratu berri dutelako duela aste batzuk. Ez hori bakarrik, gainera, taldearen lehen grabaketa ere binilo formatuan berrargitaratu du Lazkaoko Artza Records zigiluak. Diskoa Bera (Nafarroa) herriko MIK estudioetan grabatua izan da eta musikalki rock&roll giroak lantzen ditu boskoteak. Batzutan punkrockera biratzen dute gitarrak zorroztuz, eta beste batzuetan giro melodikoetan barneratzen dira, batez ere ahotsaren eraginez.

Kokapena
Ikatz taberna
Ikatz taberna
Kale Zaharra Kalea, 34
20560 Oñati
https://www.instagram.com/ikatztaberna/