Ama Say + Arima

23
Api
21:00
AZPEITIA (GIPUZKOA)
Sanagustin kulturgunea
Sarrera 10 euro

Ama Say talde mitikoak kontzertua eskainiko du Sanagustinen. Aurretik, Arima hirukotea arituko da.

Arima

Distortsioaren haritik tiraka sortu zen 2018. urtean Arima taldea. Paule Bilbaoren ekimen musikala izan zen, bakarka hasi zen gaur egun ahotsaz eta gitarraz arduratzen dena, baina berehala hirukote moduan. Aurten lan berria plazaratu dute, Bonberenean grabatu eta bertako zigiluarekin argitaratua. Hirukotea Paule Bilbao kantari eta gitarjoleak, Josu Gonzalez baxuak eta Gontzal Bilbaok baterian osatzen dute. Musikalki rock giroetan dator honako taldea, shoegaze bezalako eremuetan murgilduz ere. Letragile aparta bezain iluna da Paule, nortasun berezikoa, eta giro eta iluntasun apartak idazten eta sortzen dituenak bere kantuetan.

Ama Say

90. hamarkadan hiru disko plazaratu zituen Ama Say taldeak Esan Ozenki disketxean: ‘Ikusi ditut umeak kalean ametsak akatzen’ 1993an, ‘No iz pop’ 1994an eta ‘Say Ama’ izenekoa urte berean. 1997an utzi zuten taldearen jarduna, nahiz eta ostean Bilbao anaiek sustatuat berriro ere ekin zioten jotzeari, eta orduan Bonberenearekin diskoa grabatu zuten: ‘Ren fan’. 2010eko agerpen horretatik lantzean behin berriro ere jendaurrean ikusten ditugu 90. hamarkadako talde bitxiena izan zeneko doinuak jotzen.

Pixies edo sonic Youth taldeen zale, haien estiloa ekarri zuten gurera. Euskara eta ingelesez arituz, edota bi hizkuntzak nahastuz, oso talde eraginkorra osatu zuten euskal eszenan. 30 urte joan dira sortu zirenetik, eta oraindik izango da jendea Ama say tadea zuzenean ikusi nahi duena. Aukera ona da 90. hamarkadatik erreskatatutako doinu horiek berriz ere jendaurrean jo eta entzuteko. Orduan bezala, orain ere taldekideek dena emango dute.

Kokapena
Sanagustin Kulturgunea
Sanagustin kulturgunea
Plaza Nagusia Plaza
Azpeitia
https://www.kulturaz.eus/
Sanagustin Kulturgunea(a)n kontzertu gehiago