Afrika Bibang

Martxoaren 27an Afrika zuzenean ariko da Oñatiko Gaztelekuan. Sarrerek 6 euro (+gastuak) balioko dute eta martxoaren 12an (larunbata), 10:30etan jarriko dira salgai Txokolateixan eta Oñatiko Udalaren web orrialdean.

AFRIKA BIBANG
Ibilbide luzea darama musikaren munduan Afrikak, Ke No Falte reggae taldean hasi zen eta zortzi urtez Etsaiak taldearen pate ere izan zen. 2004an argitaratu zuen bere bakarkako lehen lana eta 2005ean berak konposatutakoa izan zen Korrikaren abestia. 2008an Bartzelonara joan zen bizitzera eta bertan hainbat proiektutan hartu zuen parte, harik eta 2019an berriz ere bere bakarkako ibilbidea berrekin zuen arte. Iaz argitaratu zuen bere azken lana, ‘Ispiluaren Aurrean’ deituriko EP-a, eta bere ezaugarri diren soul eta R&B soinuak arakatzen jarraitzen du bertan.